Femu a Corsica
Dumenica u 2ndu di Nuvembre 2014

PADDUC : Amichi...


Amichi,

U votu di stu primu di nuvembre ùn serà forse un « votu storicu » ; hè bella chè capita. Ma hà permessu d’apre une strada per i ghjorni à vene. Certi, cum’è sempre, truveranu à dì; Ma stu pianu, a Corsica l’aspettava dipoi 30 anni…Ferma à migliurallu è à mettelu in attu. Cum’ellu l’ammenta l’introitu, hè à prò di u « Populu Corsu », cunfirmendu i voti nant’à u statutu fiscale o l’ufficialità per indettu.

Cù più d’una cinquantina d’amendamenti, a preservazione di e ZNIEFF, i spazii agriculi strattegichi, u Populu Corsu, è tant’altri, u gruppu Femu A Corsica hà cuntribuitu di manera fundamentale à prupone un PADDUC in rapportu in cù e scumesse di sta terra.

 Di pettu à ciò ch’è no bramemu, u più serà sempre à acquistà, per i ghjorni à vene di e leve è e purleve future. Chì di pettu à l’ancu à fà, una nazione ci aspetta…À stu populu vivu purghjimuli l’avvene.

À voi tutti, u nostru abbracciu fraternu

Femu a Corsica

Cantunale | Assemblea di Corsica | Cantunale 2011 | Assemblea di Corsica : Quistione à bocca | L'eletti | Assemblea di Corsica : Muzione | A lèttera | Elezzione | Attualità | Istituzioni | Législatives 2012 | Présidentielles françaises | Municipales Aiacciu 2015 | TARRITURIALI DI 2015 | U Filu di a Storia | Custruì una sucietà libera | Inizià u Riacquistu Ecunomicu | Elezzione legislative 2017