Femu a Corsica
Màrcuri u 5 di Ghjugnu 2013

Isulacciu di Fiumorbu : Chjama per dumane


Isulacciu di Fiumorbu : Chjama per dumane
Dopu à a disfatta di Ponte Novu è l’esiliu di Pasquale, in lu 1769, a storia di u nostru paese si ricorda di a ripressione tremenda contr’à « i ribelli » in tutte e regione di Corsica, per indettu quella di l’impiccati di u Niolu o quella di u Fiumorbu.

Cusì chì in lu 1808 a ghjustizia murandina hà stirpatu a ,maiò parte di l’omi di l’Isulacciu. Eranu 192 omi, da 15 à 80 anni. Infatti, l’armata francese n’hà fucilatu nove, dopu à ciò chì a ghjustizia militare di tandu chjamava “prucessu”; l’altri fubbenu mandate prima in Tulò poi in Embrun, induve più d’un centu morse in l’annata, cunfruntati ch’elli eranu à cundizione di detenzione più chè pessime.  

I libri di Jacques Denis è Jean Vandenhoven contanu bè a fine tragica di stu passu chì palesa a risposta  d’un statu à un populu chì bramava solu a so libertà.

Oghje, à l’entrata di L’Isulacciu truverete un munimentu magnificu, opera di i paisani è di l’associu « Memoria di u Fiumorbu » creata da Raimondu Ottomani è Petru Santoni è addunita oghje ingiru à Ghjuvanfrancescu Vinciguerra.

Dumane, ghjovi u 6 di ghjungnu, ci serà una ceremonia, à u scopu di riflette nant’à a nostra storia, quella d’eri è quella d’oghje, ma dinò di ricurdacci di sta strage.

Capite bè ch’ella serà, per noi altri, un duvere di cullacci è d’assiste à sta cummemurazione.   
Femu a Corsica


Dans la même rubrique :
< >

Dumenica u 15 d'Utrovi 2017 - 20:00 Femu a Corsica hè natu

Venari u 15 di Sittembre 2017 - 20:00 ARRESTATION DE FRANCK PAOLI

Màrcuri u 30 d'Aostu 2017 - 14:17 SCRIZZIONE A FEMU A CORSICA

Cantunale | Assemblea di Corsica | Cantunale 2011 | Assemblea di Corsica : Quistione à bocca | L'eletti | Assemblea di Corsica : Muzione | A lèttera | Elezzione | Attualità | Istituzioni | Législatives 2012 | Présidentielles françaises | Municipales Aiacciu 2015 | TARRITURIALI DI 2015 | U Filu di a Storia | Custruì una sucietà libera | Inizià u Riacquistu Ecunomicu | Elezzione legislative 2017