Femu a Corsica
Ghjovi l'8 di Nuvembre 2012

8 di nuvembre 2012 : dumanda a bocca posta da Mattea Lacave : Créditi Insignamentu Superiore è Ricerca


8 di nuvembre 2012 : dumanda a bocca posta da Mattea Lacave : Créditi Insignamentu Superiore è Ricerca
"O Sgiò Presidente!

U bugettu supplementariu vutatu di settembre palesa una callata di circa dece millioni d'euri per u settore di l'insignamentu superiore è di a ricerca.

Mancherebbenu 6,5m per l'insignamentu stessu, 2,5m per a ricerca è1m per e borse.

Capite bè chí simu, in un primu tempu, surpresi di sta dimarchja, quandu per un dettu, u guvernu face di a furmazione è di l'insignamentu una priurità. È chí
,in un secondu tempu, simu veramente inchieti di pettu à e cunsequenze chí seranu generate da sta decisione ch'ùn si pò manc'appena capí!

Di memoria ci vole à ricullà à u 2006 per vede una callata di i crediti cusí impurtante.

Ci pare à noi ch'è dipoi dui anni a vostra vulintà era di fà di a custruzione d'una sucetà di a cunniscenza una priurità.

Oghje chí ghjè oghje ci pudete accertà chí ste tagliate in u bugettu ùn averanu nisune cunsequenze nantu à u campu di e furmazione superiore è di a
ricerca?

Stu campu porta in sè l'ambizione d'una Strategia Regiunale di l'Innuvazione chí ci hà da permette di riflette megliu à a prugrammazione à vene per u 2014-2020.

Sapemu chí avete allargatu di manera cunsiderevule u vostru perimetru d'intervenzione creendu l'arnesi d'una guvernanza sparta cù u Cumitatu Cunsultativu di l'Insignamentu Superiore è di a Ricerca.

A dumanda ch'è noi femu avà hè di sapè s'ella hè pussibule di piantà st'andatura, pruvuchendu un blucchime tutale è irremedievule di l'istituzione cuncernate, è di e pulitiche chì ci site chjaramente impegnatu?

Qualesse sò e strutture ch'anu da pate à u più, o in prima, di sta situazione di rincullu storicu ? Di ste tagliate arbitrarie ?

Serà l'IUFM, locu di furmazione di i maestri ? Sarà l'IUT ? Saranu l'Istituti di Furmazione in Cura Infirmieri di i nostri dui ospidali? O l'altre furmazione sanitarie è suciale messe in ballu da pocu ?

Sarà u sistema d'amparera superiore, quellu chí inserisce più di 90% di i so studienti ?

Saranu tocchi direttamente i studienti per via di e borse ch'elli devenu percepí à titulu di u meritu o di criteri suciali ?

Sapemu, perchè elli s'indirizzanu à noi, chí parechji studienti ùn anu toccu e so borse, quand'ella si cunnosce a situazione di crisa oghje, si pò imaginà senza difficultà e cunsequenze ch'ellu pò avè un ritardu ind'i pagamenti!

Si sà dinù, chí l'Università ùn hà mancu ricevutu per avà a meità di i crediti chì a Cullettività s'era indiata à dà! I centri ospidalieri di Bastia è Aiacciu
cunnoscenu listessa situazione !

Mi pare quantunque chí l'Università participeghja di manera attiva à a messa in ballu di e pulitiche di a CTC. Pigliu per esempiu tutta a riflessione nantu à u PADDUC è omu sà chí i so prugetti custruiti cù i servizii territuriali impediscenu di manera regulare à a CTC,d'esse scartata da i finanziamenti europeani cum'è u FEDER. Ciò ch'elli chjamanu u "desempegnu d'uffiziu" da u Prugramma Operaziunale 2007-2013

O Sgiò Presidente, a vi dicu franc'è chjara, ch'ella sarebbe incuncepibbile per noi, di truvacci in a situazione di u 2006, induve u Prefettu avia impostu à a Cullettività d'onurà i so indiamenti finanziarii !

Speru chí sta situazione hà da evulà in furia perchè ghjè a cridibbilità di a nostra cullettività, a decentralizazione chí hè messa in causa custí.

À l'ora di l'assise di a furmazione,, di quelle di l'insignamentu superiore, di a presa di cuscenza chí a furmazione di l'omi hè a sfida di i prossimi anni, ùn si
pò cuncepí ch'un tale settore sia indebbulitu à u pianu finanziariu, è chí a CTC, ancu s'ella si pò capí ch'ella appia da fà risparmi, metti a male, o in difficultà un
settore indispensevule à a custruzione di u nostru avvene.

10 millioni d'euri ùn sò micca nunda, allora o Sgiò Presiente a mo dumanda serà più ch'è simplice: chí cuntate di fà perchí u serviziu di l'Insignamentu superiore è di a ricerca ritrovi l'assise finanziaria necessaria à u so bonu funziunamentu quant'è à a so evoluzione indispensevule à a custruzione d'una sucetà di cumpetenze messe à u serviziu di u cullettivu.? Sariate prontu à fà una mudificazione per rimedià à sta situazione ?

À ringrazià vi !"


Femu a Corsica

Cantunale | Assemblea di Corsica | Cantunale 2011 | Assemblea di Corsica : Quistione à bocca | L'eletti | Assemblea di Corsica : Muzione | A lèttera | Elezzione | Attualità | Istituzioni | Législatives 2012 | Présidentielles françaises | Municipales Aiacciu 2015 | TARRITURIALI DI 2015 | U Filu di a Storia | Custruì una sucietà libera | Inizià u Riacquistu Ecunomicu | Elezzione legislative 2017