Femu a Corsica
Ghjovi u 27 di Sittembre 2012

27 di sittembre 2012 : Sporting - PSG : a quistione à bocca di Femu a Corsica à l'Esecutivu territuriale


27 di sittembre 2012 : Sporting - PSG : a quistione à bocca di Femu a Corsica à l'Esecutivu territuriale
Ghjovi chì vene, puneremu una quistione à bocca à Paulu Giacobbi, à a sessione di l'Assemblea di Corsica, riguardu à ciò chì s'hè passatu sabbatu in Furiani, cum'ella era detta in u cumunicatu di FEMU esciutu stamane in CORSE MATIN. Eccula quì:

Quistione à bocca posta da Gilles Simeoni,
Ghjuvancristofanu Angelini, Ghjuvanni Biancucci, Nadine Nivaggioni, Agnes Simonpietri, Cristina Colonna, Saveriu Luciani, Mattera Lacave, Ghjacintu Vanni, Fabiana Giovannini è Michele Castellani (Gruppu Femu A Corsica)

Ogettu: azzuffi dopu à u macciu Sporting - Parigi

O sgiò Presidente,

Sabatu sera, eramu parechji eletti di u nostru gruppu à assiste in Furiani à ciò chì avia da esse una festa cù più di sedeci mila corsi. Venuti da Corsica intera, tutti anu vistu, cum’è noi, ciò chì hè accadutu in fin’ di partita, à l’esciuta di u Stadiu Armandu Cesari.

In lu frattempu, Femu a Corsica hà porsu subitu u so sustegnu à a ghjente cummuziunata o ferita quella sera ma hà ancu dinunziatu e pruvucazione di a pulizza, à l’origine, per contu nostru, di l’incidenti.

Scrive a stampa u lindumane: “Mais ce n'est pas la rancœur de la défaite qui a, soudain, fait monter la pression à l'extérieur du stade. Non. Mais une décision pour le moins surprenante qui a consisté à empêcher les spectateurs de la tribune Est de regagner leurs véhicules par la voie, qui longe le côté nord du stade. Celle par laquelle ils étaient arrivés… ».

Infatti, hè stata listessa in trè punti, incausendu blucchime ch’anu impeditu à i spettatori di vultà à e so vitture. Cunniscendu bè e difficultà di situazione ingiru à u Stadiu per spiazzassi è ingarà una vittura, ùn bastavanu più chè ste centinaie di CRS…

Ciò chì s’hè passatu, ùn l’accettemu mancu appena, cum’è ùn l’anu accettatu i dirigenti di u Sporting; perchè chì sta manera speziale di gestisce una situazione ch’omu pò qualificà di nurmale in altrò, hà messu in periculu famiglie sane, venute cum’è tante volte dipoi aostu à vede un macciu di u Sporting.
Simu passati vicini à una catastroffa. Ci hè mancatu pocu d’assiste - rispettu parlendu - à un’impiastru maiò, cù cunsequenze gravissime per giovani è vechji, per via di ciò ch’è no cunsideremu da faccende pulizzere irrespunsevule, cù un dispusitivu spripusitatu è st’usu anticipatu di gasi lacrimogeni è di matraccate à voline più.

Ripetu vulinteru: quand’omu cunnosce a cunfigurazione di Furiani, di e strade permettendu di vultà ver di u naziunale, ch’ùn bastanu più, è ch’ellu si scopre chì e vie sò imbarrate cù trè o quattru ranghi di e cusì dette “forze di l’ordine”, u prefettu ci pò spiegà ciò ch’ella li pare. Ch’ellu ci dica cumu hè ch’ellu ùn ci sia statu stampa di cuncertazione cù i dirigenti bastiacci, riguardu à a impurtanza di a manifestazione spurtiva ?

Un’ basta à facci crede chì a partita si sia passata in pessime cundizione; quelli chì ci eranu a ponu palisà quant’è noi. Nentru u stadiu, s’hè passata bè.
Oghje, prufittendu di sta sessione, a turnemu à ripete: ch’ella ghjovi di lezziò ciò chì hè accadutu sabatu è chì i macci à vene di u Sporting sianu ciò ch’elli sò stati dipoi tant’anni, vale à dì mumenti di ritrovu, di gioia è di festa per stu populu.

L’avete capita bè è più chè bè, s’è no pigliemu oghje a parolla quì, hè per sparte a cunclusione d’un giurnalistu chì scrive: « l vise juste rappeler à qui de droit que ce sont des erreurs psychologiques de ce genre qui, par le passé, ont été la source d'incidents graves que nul n'a oublié et dont on se serait, comme bien l'on pense, volontiers passé. »

Hè dinò u segnu d’una vulintà prufonda di significà di manera ufficiale à i rispunsevuli ch’elli a faccinu finita cù certe pratiche periculose è dannefiche.
Per compie, vi dumandemu, à nome di l’eletti di st’Assemblea di Corsica, di mandà un messagiu chjaru in direzzione di u statu, ch’ellu piglii in cunsequenza tutte e so rispunsabilità, è d’agisce una volta per sempre di manera cuncertata è cuerente, è d’assucià , in casu di bisognu, l’Assemblea di Corsica.
Femu a Corsica

Cantunale | Assemblea di Corsica | Cantunale 2011 | Assemblea di Corsica : Quistione à bocca | L'eletti | Assemblea di Corsica : Muzione | A lèttera | Elezzione | Attualità | Istituzioni | Législatives 2012 | Présidentielles françaises | Municipales Aiacciu 2015 | TARRITURIALI DI 2015 | U Filu di a Storia | Custruì una sucietà libera | Inizià u Riacquistu Ecunomicu | Elezzione legislative 2017