Ghjovi u 29 di Ghjugnu 2017

Dumanda à bocca, posta da Nadine NIVAGGIONI : XYLELLA : A VERITÀ PIATTATA ?


Dumanda à bocca, posta da Nadine NIVAGGIONI : XYLELLA : A VERITÀ PIATTATA ?
A locu à trè anni d’incertezza in quantu à a presenza di a Pauca in Corsica, un laboratoriu di ricerca accerta avè trovu u batteriu nantu à una leccia, dapoi un annu è mezu.

Or dunque, l’autorità cumpetente in materia sanitaria ci anu piattatu a verità è in tantu e misure pigliate ùn sò state manc’appena adatte à u periculu in ballu.

Simu di pettu à una crisi ambientale maiò,è i corsi devenu cunnosce a verità .Postu chì i rappresentanti di u Statu anu mancatu à e so respunsabilità, u gruppu FEMU A CORSICA, in mossa da u principiu nantu à ‘ssu risicu di cuntagione, vi prega Madama a Presidente di l’Uffiziu di Ambiente di :
Urganizà senza tricà una reunione di crisi incù tutti l’attori cuncernati , di modu à truvà e vie è i mezi d’un pianu di preservazione (a tappa di a prevenzione hè digià daretu à noi), ancu se a cumpetenza ùn tocca à noi,

Di dumandà subitu subitu l’arrestu di l’impurtazione di tutte e piante. L’iniziativa di i pruduttori d’alivi ci hà datu a prova ch’ellu si pò luttà pruducendu da per noi,

Di mette a prublematica di a Xylella à u centru di i dibattiti di l’Assise nantuà a Biodiversità,

Di travaglià à u livellu aurupeu per chì ‘ssu risicu di catastrofa ambientale, agricula è turistica à vene sia ricunnisciutu da e più alte autorotà è chì eresponsabilità di non assistenza sianu poste.

A ringrazià vi, Madama a Presidente.
Femu a Corsica

Cantunale | Assemblea di Corsica | Cantunale 2011 | Assemblea di Corsica : Quistione à bocca | L'eletti | Assemblea di Corsica : Muzione | A lèttera | Elezzione | Attualità | Istituzioni | Législatives 2012 | Présidentielles françaises | Municipales Aiacciu 2015 | TARRITURIALI DI 2015 | U Filu di a Storia | Custruì una sucietà libera | Inizià u Riacquistu Ecunomicu | Elezzione legislative 2017