Ghjovi u 30 di Marzu 2017

Dumanda à bocca, posta da Nadine NIVAGGIONI : Misure forte di pettu à a minaccia di a Xylella fastidiosa Pauca


Chantier de gestion de foyer de X. fastidiosa aux Baléares (source : lavanguardia.com)
Chantier de gestion de foyer de X. fastidiosa aux Baléares (source : lavanguardia.com)
Dapoi l’ultima dumanda nantu à u suggettu, d’ottobre, l’isule Baleare hanu identificatu , nantu à u so territoriu, u ceppu u più dannificu di a Xylella fastidiosa : a PAUCA, quellu chì sterpa l’aliveti di u Meziornu taglianu.

Or dunque, a pauca hè prisente nantu à e tre sponde di u Mediterraniu : à l’oriente, in Italia ; à u punente, in Spagna, è in continente (ortu butanicu di Menton) ; è noi, à mezu, ne simu sempre à chì feremu.

Pè interessi economichi è scuse di libera circulazione di i prudutti, l’auturità cumpetente adattanu u livellu di cuntrollu è di securità sanitaria à a mubilisazione pupulare é pulitica.

Sò tre anni chì, FEMU A CORSICA dumanda misure forte di pettu à a sparghjera di a multiplex è à a minaccia di a Pauca.

FEMU A CORSICA dice chì, tempu hè ghjuntu di :

1- arrestà l’impurtazione di e piante vettore di a xylella è pocu imprema u ceppu ;
 
2- cuntinuà e ricerche di u batteriu è distrughje senza tricà in casu di suspissione ;
 
3- furmà e persone à ricunnosce di e piante infettate ;
 
4- accumpagnà u cunvertimentu di e prufessione tocche.

‘Ssu prublema di risicu sanitariu altu dev’esse purtatu torna à u livellu più altu di u Statu è di l’Auropa ; Per quessa FEMU A CORSICA vi dumanda Madama a Presidente di l’Uffiziu di l’Ambiente, Madama a Presidente di l’Affari Aurupei, Sgiò Présidente di l’Esecutivu, Sgiò Presidente di l’Uffiziu Agriculu,

- di custituisce una delegazione chì cù i Ministri cuncernati dà truvà e vie è i mezi pè rinfurzà e misure di prevenzione attuale chì un` bastanu micca,

- di cumunicà in direzione di u Cumitatu di e Regione è pruvà, cù quelle chì sò dighjà in periculu, di pisà di più di pettu à u Statu,

- di move a Commissione di l’Isule Aurupee nant’à ‘ssu sughjettu, -

è in fine, rilancia u dibattitu in Brusselle, per via di i nostri sustegni quassù.
 
Vi ringraziemu medame e Présidente, sgiò Présidenti, di facci cunnosce u vostru pare in quantu à e nostre pruposte.


 

question_orale_posee_par_nadine_nivaggioni_au_nom_du_groupe_femu_a_corsica_relative_a_une_mesure_forte_pour_faire_face_a_la_menace_de_la_xylella_fastidiosa_pauca.pdf Question orale posée par Nadine Nivaggioni au nom du groupe Femu a Corsica relative à une mesure forte pour faire face à la menace de la Xylella fastidiosa Pauca.pdf  (103.44 Ko)

Femu a Corsica

Cantunale 2011 | Assemblea di Corsica | Cantunale | Assemblea di Corsica : Quistione à bocca | L'eletti | Assemblea di Corsica : Muzione | A lèttera | Elezzione | Attualità | Istituzioni | Législatives 2012 | Présidentielles françaises | Municipales Aiacciu 2015 | TARRITURIALI DI 2015 | U Filu di a Storia | Custruì una sucietà libera | Inizià u Riacquistu Ecunomicu